Музыка, кәсіптік оқыту және дизайн кафедрасы

Ниязов Айдар Камбарович

Ғылыми дәрежесі, лауазымы: өнертану ғылымдарының кандидаты, доцент, «Музыка, Кәсіптік оқыту және дизайн»кафедрасының меңгерушісі.

Телефон: 8 (702) 654-27-58,

e-mail: aidar.kambaruly@mail.ru

Мекен-жайы: Быковский көшесі, 54, 113-каб

«Музыка, кәсіптік оқыту және дизайн» кафедрасы – университеттің оқу-ғылыми және әкімшілік құрылымдық бөлімшесі. Университет құрылымына 2022–2023 оқу жылының басында жүргізілген өзгерістерге сәйкес, кафедра бұрынғы «Өнер» кафедрасының негізінде қайта құрылып, қазіргі атауын алды.

Кафедра келесі білім беру бағдарламалары бойынша мамандар даярлайды:

• 6В01405 — Музыкалық білім (бакалавриат);

• 6В01411 — Музыкалық білім (IP) (бакалавриат);

• 6В01410 — Еңбекке баулу және кәсіпкерлік негіздері (IP) (бакалавриат);

• 6В01403 — Кәсіптік оқыту (бакалавриат);

• 6В02101 — Сән, интерьер және өнеркәсіптік дизайн (бакалавриат);

• 6В01409 — Көркем еңбек және жобалау (бакалавриат);

• 6В02103 — Дизайн (бакалавриат).

Кафедраның қызметі Қазақстан Республикасының білім беру саласындағы заңнамалық актілері мен нормативтік құжаттарына, ҚР Білім және ғылым министрлігінің нұсқаулықтарына, университет Жарғысына, кафедра туралы Ережеге және университеттің ішкі нормативтік құжаттарына сәйкес жүзеге асырылады. Кафедра оқу, оқу-әдістемелік, ғылыми-зерттеу және тәрбиелік жұмыстарды университеттің стратегиялық даму жоспарына сай жүргізеді.

Кафедраны өнертану кандидаты, доцент Ниязов Айдар Камбарұлы басқарады.

Кафедраның профессор-оқытушылар құрамы жоғары білікті мамандардан тұрады, оның ішінде:

• 3 педагогика ғылымдарының кандидаты, доцент;
• 2 педагогика ғылымдарының кандидаты, аға оқытушы;
• 4 техника ғылымдарының кандидаты, доцент;
• 2 ҚР Мәдениет қайраткері;
• 6 магистр;
• 9 аға оқытушы.

Кафедра ұжымы білім және мәдениет саласына қажетті білікті мұғалімдер мен дизайнерлерді даярлап, шығармашылық қабілеті жоғары, кәсіби құзыретті мамандарды тәрбиелеуді негізгі міндеті ретінде атқарады.

Білім беру бағдарламалары

1. 6В01405 – Музыкалық білім

2. 6В01411 – Музыкалық білім (IP)

3. 6B01410 – Еңбекке баулу және кәсіпкерлік негіздері (IP)

4. 6В01403 – Кәсіптік оқыту

5. 6В02101 – Мода, интерьер дизайны және өнеркәсіптік дизайн

6. 6В01409 – Көркем еңбек және жобалау

7. 6В02103 – Дизайн

6В01409 – Көркем еңбек және жобалау

Мақсаты: көркем еңбек саласында технологиялық және шығармашылық дағдыларды меңгерген, педагогикалық және практикалық қызметті жүзеге асыра алатын бакалаврларды даярлау.
Оқыту бағыттары:

• Тігін бұйымдарын құрастыру және үлгілеу;

• Құрылымдық материалдарды өңдеуді жобалау.
  Түлек: көркем еңбек пәнінің мұғалімі, колледж оқытушысы, өндірістік оқыту шебері.

6В01411 – Музыкалық білім (IP)

Мақсаты: қазіргі заманғы музыкалық, цифрлық және инклюзивті құзыреттерді меңгерген музыка пәні мұғалімін даярлау.
Кәсіби қызмет объектілері: мектептер, гимназиялар, колледждер, музыка студиялары мен үйірмелер.

6B01410 – Еңбекке баулу және кәсіпкерлік негіздері (IP)

Мақсаты: еңбекке баулу және кәсіпкерлік негіздерін үйрететін, шығармашылық және іскерлік ойлауды дамытуға қабілетті педагогты даярлау.
Ерекшелігі: менеджмент, кәсіпкерлік негіздері, стартап-жобалар және бизнес-жоспарлау бағыттарын қамтиды.
Түлек: технология және кәсіпкерлік пәнінің мұғалімі, техникалық шығармашылық үйірмелерінің жетекшісі.

6В01403 – Кәсіби оқыту

Мақсаты: заманауи кәсіби даярлық әдістерін меңгерген, сын тұрғысынан ойлайтын және шығармашыл педагогтар мен өндірістік оқыту шеберлерін даярлау.
Түлек: мектептерде, лицейлерде, колледждер мен кәсіби бағдарлау орталықтарында еңбек және кәсіби оқыту пәндерінің мұғалімі.

6В01405 – Музыкалық білім

Мақсаты: жалпы білім беретін мектептер мен колледждерге арналған жоғары білікті музыка мұғалімдерін даярлау.
Қызмет түрлері: білім беру, тәрбиелік, жобалық, зерттеушілік және ұйымдастырушылық қызмет.

6В02101 – Мода, интерьер дизайны және өнеркәсіптік дизайн

Мақсаты: заманауи жобалау және көркем үлгілеу технологияларын меңгерген дизайнер мамандарын даярлау.
Қызмет саласы: киім дизайны, интерьер, өнеркәсіптік және графикалық дизайн.

6В02103 – Дизайн

Мақсаты: көркем-технологиялық мәдениетті, шығармашылық және сыни ойлауды дамыту.
Түлек: дизайнер-жобалаушы, архитектуралық, заттық және графикалық дизайн саласының маманы.

Жоспар 2025-2026

Есеп 2024-2025

«Музыка, кәсіптік оқыту және дизайн» кафедрасына қарасты  Шаруашылық шарттар негізінде орындалатын ҒЗЖ, ғылыми нәтижелерді коммерцияландыру

Студенттердің ҒЗЖ

Қазіргі уақытта тұлғаның жалпы интеллектуалды дамуына, шығармашылық пен тәуелсіздікті ынталандыруға баса назар аударылуда. Осыған байланысты қазіргі заманғы маман іргелі және арнайы білімнің қажетті мөлшерін ғана емес, сонымен қатар практикалық мәселелерді шығармашылық шешудің белгілі бір дағдыларын игеруі керек, үнемі біліктілігін арттырып, өзгеретін жағдайларға тез бейімделуі керек. Барлық осы қасиеттерді ЖОО-да қалыптастыру қажет. Олар студенттердің ғылыми-зерттеу жұмыстарына белсенді қатысуы арқылы тәрбиеленеді, ол қазіргі кезеңде маңызға ие болып, болашақ маманның кәсіби дайындығының негізгі компоненттерінің біріне айналады.

Кафедра деңгейінде де, жалпы ЖОО деңгейінде де студенттердің жүйелі ғылыми — зерттеу жұмыстарын ұйымдастыруға және жүргізуге зейінді күшейту қажеттілігін Қазақстан Республикасының Білім министрлігі де негіздейді, сонымен қатар құжаттарда шығармашылық белсенділікке тәрбиелеу және студенттердің ғылыми — зерттеу жұмыстарын (СҒЗЖ) жүргізу кез келген ЖОО-ның барлық курстарында жүзеге асырылуы тиіс екендігі көрсетілген.

Кафедра студенттері өз мамандықтарына сәйкес ғылыми-зерттеу жұмыстарымен айналысады. Ғылыми үйірмелер бар: жас химик; Жас биолог;Жас эколог.

Үйірмелердегі ҒЗЖ келесі элементтерді қамтиды:

1)      студенттерді зерттеу еңбегінің негіздеріне оқыту, оларға белгілі бір дағдыларды үйрету;

2)      оқытушылардың басшылығымен ғылыми зерттеулерді орындау.

Студенттердің ғылыми жұмысының мақсаты-дайын білімді игеруден жаңа білім алу әдістерін игеруге көшу, ғылыми әдістерді қолдана отырып, әлеуметтік-құқықтық құбылыстарды өз бетінше талдау дағдыларын игеру.

Студенттердің ғылыми жұмысының негізгі міндеттеріне мыналар жатады :

шығармашылық ойлауды дамыту, ғылыми ой-өрісті кеңейту;

өзіндік ғылыми-зерттеу жұмысының дағдыларын қалыптастыру және дамыту;

кәсіби қызметте ғылыми зерттеулердің теориялық білімі мен заманауи әдістерін қолдану қабілетін қалыптастыру.

«Музыка, кәсіптік оқыту және дизайн» кафедрасы бойынша 6В01409 – «Көркем еңбек және жобалау» ббб бойынша «Шебер қолдар» , 6В01405 – «Музыкалық білім» ббб бойынша «Дала сыры»,  6В02102 – «Дизайн» ббб бойынша «Палитра» үйірмелері жұмыс жасайды. Әр жыл сайын университет деңгейінде көрме өткізіледі. Сонымен қатар әр жыл сайын магистранттарымыз бен студенттер арасында өтетін Старт-ап конкурстар мен олимпиадаларға қатысып, сертификаттар мен дәрежелі дипломдар алынды.

Халықаралық қатынас

Халықаралық ынтымақтастық бұл — Орталық Азия Инновациялық Университеті қызметінің ажырамас бөлігі және білім сапасын және оның халықаралық стандарттарға сәйкестігін қамтамасыз ететін маңызды құрал.

Бұл жұмыс шетелдік жетекші жоғары оқу орындарымен ынтымақтастық бағдарламалары аясында жүзеге асырылады. Осы уақытқа дейін ОАИУ Ресей, Қырғызстан, Өзбекстан, Қ.Сәтпаев атындағы Қазақ ұлттық зерттеу техникалық университетімен ынтымақтастық туралы келісім шарттарға қол қойды.

Осы университеттермен жасалған келісімдер шеңберінде халықаралық білім беру бағдарламалары мен жобаларын жүзеге асыруға, бірлескен ғылыми-зерттеу қызметін жүзеге асыруға, ғылыми-практикалық семинарлар мен конференциялар ұйымдастыруға, оқытушылар құрамымен алмасуға және сыртқы академиялық ұтқырлықты дамытуға мүмкіндік туды.

Студенттің академиялық ұтқырлығы — білім алушыны белгілі бір академиялық кезеңге (семестрге немесе оқу жылына) оқуға немесе зерттеуге басқа ЖОО-ға (ішкі немесе шетелде) ауыстыру, алынған білім беру бағдарламаларын міндетті түрде басқа жоғары оқу орнында жалғастыру.

Академиялық ұтқырлықтың басты мақсаты:

Академиялық ұтқырлықтың басты мақсаты — халықаралық стандарттарға сәйкес қазақстандық жоғары білімнің сапасын қамтамасыз ету, оның бәсекеге қабілеттілігін арттыру.

Академиялық ұтқырлық бағдарламасының қандай артықшылықтары бар?

Бұл бағдарлама шетелдік серіктес жоғары оқу орындарында студенттер мен оқытушылардың оқуына және ғылыми іс-шараларын жүзеге асыруға мүмкіндік береді. Академиялық ұтқырлық бағдарламасы шектеулі мерзімге, әдетте семестрге немесе оқу жылына арналған.

Ұтқырлық бағдарламаларына қатысу студенттерге бірқатар перспективалық мүмкіндіктер мен артықшылықтар береді:

• ғылыми және білім беру саласында баға жетпес халықаралық тәжірибе алуға;
• кәсіби білім мен практикалық дағдыларды кеңейту;
• пайдалы тілдік тәжірибеден өту;
• халықаралық мәдениаралық топта сабақ беру және қарым-қатынас жасау тәжірибесін алу.

Талапкерлерге арналған ақпарат 2025

«Музыка, кәсіптік оқыту және дизайн» кафедрасы шығармашылық олимпиада ұйымдастырды.

2023 жылдың 7-сәуірі күні «Музыка, кәсіптік оқыту және дизайн» кафедрасының ұйымдастыруымен «Өнерлі өрге жүзер» атты шығармашылық Олимпияда болып өтті. Олимпиадаға 6В01405-«Музыкалық білім» білім беру бағдарламасы 6В01409-«Көркем еңбек және жобалау» білім беру бағдарламасы 6В02103-«Дизайн» білім беру бағдарламасының білім алушылары қатысты. Әр білім беру бағдарламасы өз мамандықтарының ерекшеліктеріне қарай ереже түзіп,сол бойынша сайыс өткізді.

Жоғары оқу орындарының студенттері арасындағы XVII республикалық пәндік олимпиада

2025 жылғы 5 мамырда Қазақ Ұлттық қыздар педагогикалық университетінің «КЕАҚ» Әлеуметтік-гуманитарлық ғылымдар және өнер институтының Кәсіптік білім беру кафедрасы Қазақстан Республикасының Ғылым және жоғары білім министрлігі бекіткен іс-шаралар шеңберінде Алматы қаласында 6В01450- Кәсіптік оқыту білім беру бағдарламасы бойынша Қазақстан Республикасының жоғары білімі ғылым министрлігі бекіткен іс-шаралар шеңберінде жоғары оқу орындарының студенттері арасында XVII республикалық пәндік олимпиада өткізді. Осы олимпиадаға қатысқан 6В01403– «Кәсіптік оқыту» білім беру бағдарламасының 3,4 курс студенттеріне жетекшілік жасаған Жунисова Набат Алибайқызы және  студенттер Дюсенбек Зарина Қанатқызы, Иристаева Мадина Ахматовна, Бекмуродова Улдана Бахрамовна, Өмірзақова Әсел Мирзахмедовна теориялық және практикалық жеңістердің нәтижелері бойынша I Дәрежелі  Дипломға ие болды.  Орталық Азия Инновацияялық Университетінің басшылығы студенттерге ғылыми білімдерін шыңдағаны және өздерінің шығармашылық қабілеттері мен кәсіби құзыреттіліктерін көрсеткені үшін алғысын білдірді.

 

---

21-мамыр Мәдениет және өнер қызметкерлері күні мерекесіне орай «Музыка, кәсіптік оқыту және дизайн» кафедрасының 6В02103-Дизайн білім беру бағдарламасы бойынша өндіріс орнынан сабақ беретін магистр-аға оқытушысы Даулеталиева С.О. сән саласындағы ерен еңбектері бағаланып «Мәдениет саласының үздігі» төсбелгісімен марапатталды. Ол Шымкент қалалық опера және балет театрының тігін шеберханасында меңгеруші және театрдың костюм бойынша суретшісі болып қызмет атқарады.

Сәуір айының 25-26 күндері Мұхтар Әуезов атындағы Оңтүстік Қазақстан Университеті «Бейнелеу өнері және дизайн» кафедрасының ұйымдастыруымен ALTYN ÖRNEK атты жас дизайнерлер мен сәнгерлердің халықаралық байқауы өтті. Байқауға 30-дан астам коллекция ұсынылды. Соның ішінде Орталық Азия Инновациялық Университеті атынан «Музыка, кәсіптік оқыту және дизайн» кафедрасының 6В02103 – Дизайн мамандығы, жетекшісі Юнусова Дильдора Авазовнамен ДзОк 21-1һ 3-курс студенттері Абдықадыр Нұрсара;Нұрсейтова Ырысай;Абайхан Динара; Мейманқұл Айда; Төлебай Динара қатысты. Байқауға «Азаттық рухы» және «Сары алқап арулары» коллекциялары ұсынылып арнайы сертификаттармен марапатталды. Сондай-ақ Опера және балет театры дизайнері Сабира Даулеталиевадан «Азаттық рухы» коллекция авторлары Абдықадыр Нұрсара, Нұрсейтова Ырысай арнайы алғыс хатпен марапатталды. #дизайн #кәсіптік_оқыту

СЕРТИФИКАТТАР>

          «Музыка, кәсіптік оқыту және дизайн»  кафедрасы жатақханада Жеңіс күні мерекесіне арнап концерт ұйымдастырды. Іс-шара өте көңілді әрі мазмұнды өтті. Концерт барысында студенттер патриоттық әндер айтып, би билеп, өлеңдер оқыды. Сонымен қатар, ұлттық дәстүр мен мәдениетімізді дәріптейтін қойылымдар қойылды. Көрермендер жылы ықыласпен қабылдап, өз ризашылықтарын білдірді. Мұндай шаралар студенттердің шығармашылық қабілеттеріндамытуға, достық пен бірлікті нығайтуға үлкен ықпал етеді.

Жатақханада өткен мерекелік концерт барысында кафедраның меңгерушісі бізді мерекемен шын жүректен құттықтады. Ол жылы лебізін білдіріп, студенттерге табыс, жаңа жетістіктер және шығармашылық шабыт тіледі. Оның құттықтау сөзі іс-шараның мерекелік рухын арттырып, барша қатысушыларға көтеріңкі көңіл-күй сыйлады.

Кафедра бойынша топтарда өткізілетін тәрбие жұмысы туралы.

 «1 қыркүйек – Білім күні» мерекесіне орай барлық тәлімгерлік топтар,  1-курс студенттері мерекелік іс-шараны топ тәлімгерлерімен өткізіп, әр топ тәлімгері өздерінің бекітілген топтарымен  «1 қыркүйек – Білім күні» мерекесіне арналған тәлімгерлік сағаттар өткізіп, Орталық Азия инновациялық университетінде тәртіп пен мінез-құлық қауіпсіздігінің ережелерімен таныстырып, студенттерді ғимараттар мен қызметтердің орналасқан жерімен (Анықтамалық нұсқаулық), күн тәртібі және сабақ кестесімен таныстырып, студенттерді тәлімгерлік жұмыс жоспарымен таныстырып, 1-курстарда топ белсенділері тағайындалып студенттер туралы мәліметтер алынып, хаттамалар толтырылды.

Сонымен қатар кафедрада тәрбие жұмыстарын жүргізу барысында төмендегідей негізгі мәселелер басшылыққа алынды:

— жеке адамның өз бетінше шығармашылық дамуы және тұрақты қылықтың эстетикалық және азаматтық көзқарасын қалыптастыру; психологиялық және педагогикалык принциптерінің ынтымақтастығы арасындағы қатынастарды жетілдіру;

— азаматтыққа, адам бостандығы мен құқығын құрметтеуге, патриоттыққа, өз отанын сүюге тәрбиелеу;

—  жеке адам және этика арасындағы жоғары мәдениеттілікті қалыптастыру;

— экологиялық мәдениет, салауатты өмір салты, қылықтық-эстетикалық, құқықтық және экономикалық мәдениет саласындағы білім беру субъектілерінің базалық міндеттерін қалыптастыру;

— тәрбие берудің казіргі заманғы формалары мен жаңа педагогикалық технологияларды меңгерген, кәсіби жетік педагогтарды калыптастыру; қоғамдық — саяси, рухани және спортттық ортадағы аспиранттар мен студенттердің өзіндік кескіні мен  дамуы;

— түрлі дәрежедегі жастардың нығаюы, еңбекпен қамтамасыз ету, студенттік құрылыс және жастар еңбек отрядтары бағдарламасы арқылы студенттердің еңбек етуі.

  «Музыка, кәсіптік оқыту және дизайн» кафедрасы бойынша барлық топ тәлімгерлері өз топтарында жоспарға сай 9 бағыт бойынша тәрбиелік шаралар өткізіп, хаттамалар толтырып отырды. Сонымен бірге 2023 – 2024 оқу жылындағы тәрбие шаралары бойынша жарты жылдық  есебінде  кафедраларының барлық топтар бойынша тәрбиелік іс-шаралар жоспары түзілген, тәлімгерлік сағаттардың хаттамалары жасалынып, әр бағыт бойынша жоспарға сай  тәрбие сағаттары өткізілді.

«Музыка, кәсіптік оқыту және дизайн» кафедрасындағы 1-5 курстар аралығында  топ тәлімгерлері топ студенттерімен тәрбие іс шараларын  жүргізді.

Топ тәлімгерлері белгіленген күні тәлімгерлер сағаттарын  өткізіп, онда топ тәлімгерлері топтарындағы әр –түрлі мәселелерді талқылап отырды. 7 және 15 аптада өткізілетін бақылау апталығын әр тәлімгерлер талқылап, факультетке шешімдерін беріп отырды.

Желтоқсан айында басталған қысқы сессиясына дайындық туралы тәлімгерлік сағаттар өткізілді. Онда студенттердің төлем ақысының уақытылы төлеуіне байланысты сұрақтар қозғалды және сессияға дайындықтары талқыланды. 

Бірінші, екінші аралық бақылаулар мен қорытынды нәтижелерін талқылау жүргізілді. Кафедра бойынша студенттердің сессия қорытындысы жасалды.

Қыркүйек айы: «Музыка, кәсіптік оқыту және дизайн» кафедрасы бойынша —  Музыкалық білім, Кәсіптік оқыту, Дизайн мамандықтары бойынша 1 — курс студенттерінің тәлімгерлері  студенттерді «1-қыркүйек Білім күнімен» құттықтап, әр топ тәлімгері топ басшыларын сайлап, студенттермен жеке танысты  хаттамалар толтырылды. Музыкалық білім және кәсіптік оқыту мамандығының студенттері өз өнерлерін көрсетті.Концерттік бағдарлама қойылды. Әр мамандықтар бойынша табличкаларды ұстап, жаңадан университет баспалдағын аттаған 1 курс студенттері келіп мерекеге қатысты.

Қазан айы: 1 қазан – Қарттар күніне орай   қарттар үйіне қайырымдылық акциясын  Жастар-тәрбие бөлімнің басшысы,мәдени іс-шараны ұйымдастырып өткізді.

Ұстаздар» мерекесіне орай  ашық тәлімгерлік сағатын МБ-01.02 топ студенттері және топ тәлімгері Жақсылыкова Г.А. студенттерімен бірлесіп ұйымдастырды.

Университет білім алушылардың «Шебер қолдар» атты топ тәлімгері Жунисова Набат топ студенттерімен жәрмеңке ұйымдастырып өткізді.

Бұқар жыраудың туғанына- 330 жыл толуына орай  «Жыраудың мұрасы» атты поэзиялық кешін топ тәлімгері Мурзабаева М.А. 1 курс МОk-23-1h және 3 курс МОk-21-1h топ студенттерімен ұйымдастырды. Бұқар жырау туралы студенттермен мәлімет жинап, баяндама жасады.

Университетіміздің ұйымдастыруымен өткізілетін Ұлағатты ұстаздар мерекесіне орай «Ұстаз – ұлы есім» атты мерекелік іс-шараға Музыкалық білім мамандығының студенттері мен ұстаздары қатысып өнерлерін көрсетті. «Ұстазым» әнін хормен айтты. Дирижері аға оқытушы Мейрбекова Р.Б. Және де өнерлі студенттеріміз өз өнерлерін көрсетті. Республикалық байқаудың лауреаты Жақсыбекова Асем ән айтып өз өнерлерін паш етті.

Университетте студенттер арасында «Шебер қолдар» атты   жәрменкесі  ұйымдастырылды.  Кафедра аға оқытушысы Мейрбекова Роза Бекматовна  сөз алып , бұл іс-шара студенттерді еңбекке, түрлі өнер бұйымдарын жасауға, қазақтың ұлттық тағамдарын пісіруге, шеберлігі мен дағдысын арттыруда қазақ халқының өнерін санасына сіңіре отырып, бар затты ұқсата білуге, сол заттың қадір-қасиетін білуге, күнделікті өмірде қолдана білуге көмектесетінін айтып өтті.

Сонымен қатар студенттерге  қосымша білім беру мақсатында  оқушылардың  білімін, шеберлігін көрсету, дамыту болатынын айтты. Студенттерді  шығармашылық жұмысқа тарту арқылы танымдық қабілеттерін, қызығушылығын арттыру, жетістіктерін бағалап көрсету, белсенділігін қалыптастыру, өздігінен еңбек етуге дайындау, іскерлігін дамыту, шеберлігін ұштау , шығармашылыққа тарта отырып жобаны тани білуге, он саусағынан өнері тамған маман  тәрбиелеу,шәкірттердің шеберлігін, білім мен еңбегін көрсету, іскерлік, икемділік қабілеттерін арттыру, тәрбиелік дағдысын жеткізіп, еңбектену жұмысына төзімділігін жеткізу.

Қолөнер үйірмесі өнер мен шығармашылық ісін бір-бірімен ұштастырып, студент санасына ұялатуда үлкен жүрек, мол мейрімділікпен қоса кәсіби дарын, іздемпаздық, іскерлік екендігі адамның адамгершілік дүние танымын қалыптастырып үйретуді  мақсаты мен міндетіне қойылды деп, айтылды. Кафедра ұжымы белсене  қатысып пікірлерін айтты, ұсыныстарын тіркеді.

18.10.2023ж күні Шымкент қаласы Опера және балет театрында “ZHULDYZ ART KAZAKHSTAN ” — 2023ж ХАЛЫҚАРАЛЫҚ БАЙҚАУ ұйымдастырылып өткізілді. Сол байқауға университетімізден 3- курс МОk-21-1h тобының студенті Әділбек Ғанисұлтан қатысып, Дәстүрлі ән жанры бойынша Бас жүлде иеленді.

Халықаралық ынтымақтастық бұл — Орталық Азия Инновациялық Университеті қызметінің ажырамас бөлігі және білім сапасын және оның халықаралық стандарттарға сәйкестігін қамтамасыз ететін маңызды құрал.

Бұл жұмыс шетелдік жетекші жоғары оқу орындарымен ынтымақтастық бағдарламалары аясында жүзеге асырылады. Осы уақытқа дейін ОАИУ Ресей, Қырғызстан, Өзбекстан, Қ.Сәтпаев атындағы Қазақ ұлттық зерттеу техникалық университетімен   ынтымақтастық туралы келісімшарттарға қол қойды.

Осы университеттермен жасалған келісімдер шеңберінде халықаралық білім беру бағдарламалары мен жобаларын жүзеге асыруға, бірлескен ғылыми-зерттеу қызметін жүзеге асыруға, ғылыми-практикалық семинарлар мен конференциялар ұйымдастыруға, оқытушылар құрамымен алмасуға және сыртқы академиялық ұтқырлықты дамытуға мүмкіндік туды.

Студенттің академиялық ұтқырлығы — білім алушыны белгілі бір академиялық кезеңге (семестрге немесе оқу жылына) оқуға немесе зерттеуге басқа ЖОО-ға (ішкі немесе шетелде) ауыстыру, алынған білім беру бағдарламаларын міндетті түрде басқа жоғары оқу орнында жалғастыру.

Академиялық ұтқырлықтың басты мақсаты:

Академиялық ұтқырлықтың басты мақсаты — халықаралық стандарттарға сәйкес қазақстандық жоғары білімнің сапасын қамтамасыз ету, оның бәсекеге қабілеттілігін арттыру.

Академиялық ұтқырлық бағдарламасының қандай артықшылықтары бар?

Бұл бағдарлама шетелдік серіктес жоғары оқу орындарында студенттер мен оқытушылардың оқуына және ғылыми іс-шараларын жүзеге асыруға мүмкіндік береді. Академиялық ұтқырлық бағдарламасы шектеулі мерзімге, әдетте семестрге немесе оқу жылына арналған.

Ұтқырлық бағдарламаларына қатысу студенттерге бірқатар перспективалық мүмкіндіктер мен артықшылықтар береді:

1. ғылыми және білім беру саласында баға жетпес халықаралық тәжірибе алуға;
2. кәсіби білім мен практикалық дағдыларды кеңейту;
3. пайдалы тілдік тәжірибеден өту;
4. халықаралық мәдениаралық топта сабақ беру және қарым-қатынас жасау тәжірибесін алу.

Кафедрада университет пен Пенджикент қаласындағы Тәжік педагогикалық институты, Ташкент мемлекеттік архитектуралық университеті (Өзбекстан), Шыршық мемлекеттік педагогикалық институты (Өзбекстан) арасында ынтымақтастық туралы шарттар /келісімдер жүргізілуде. Осы келісімдердің мәні студенттердің Ғылым және білім беру саласындағы академиялық ұтқырлығын қамтамасыз ету бойынша серіктес ЖОО арасындағы ынтымақтастық болып табылады.

Музыка, кәсіптік оқыту және дизайн кафедрасының түлектері