Жастар ресурстық орталығының ұйымдастыруыммен Орта Азиялық Инновациялық университетінің жастары арасында Лудаманияның зияндығын насихаттау және діни танымдығын арттыру бағытында сала мамандарының қатысуымен түсіндірме жұмыстары жүргізілді.
Мақсаты — жастарға діни ағымдардан сақтану туралы терең түсінік беру, ата-ананы құрметтеу мен жақсылық жасай білуге баулу.
Кездесуде Әл-Муслим мешітінің имамы Solih құран жаттау қайырымдылық мекемесінің дирокторы Байниязов Серғали Жақсынұлы және Дін істері басқармасының «Дін мәселелерін зерттеу орталығы» КММ-нің теолог маманы Уалихан Самат Шоқанұлы қатысып, деструктивті діни ағымдардың алдын алу жолдары мен дін бағытындағы бірқатар ақпараттармен бөлісті.
Сондай-ақ студенттерге ойынқұмарлық, лудомания, алаяқтық туралы ақпараттық түсіндірме жұмыстарын жүргізіп және кереғар діни ағымдардан сақтану жөнінде сөз етіп, әлеуметтік желілердегі дінге қатысты ақпараттарды бөлісуге немесе жарияламауға шақырды.
