ОАИУ «Кітап оқитын ұлт» республикалық марафонына қатысуға шақырады
Орталық Азия инновациялық университеті студенттер мен оқытушыларды «Кітап оқитын ұлт – Читающая нация» республикалық кітап оқу марафонына қатысуға шақырады.
«Кітап оқитын ұлт» — тұрақты кітап оқу мәдениетін қалыптастыруға, сыни және аналитикалық ойлауды дамытуға, функционалдық сауаттылықты арттыруға және кітапты маңызды білім көзі ретінде кеңінен насихаттауға бағытталған ауқымды зияткерлік-ағартушылық бастама.
Марафон 2026 жылдың қыркүйегінен 2027 жылдың наурызына дейін өтеді. Қатысушылар 15 кітап оқып, жоба аясында қарастырылған тапсырмаларды орындап, кейінгі зияткерлік сынақтарға қатысады. 2027 жылдың наурыз–сәуір айларында қатысушылар үшін тесттер мен квиздер өткізу жоспарланған.
Жоба әртүрлі санаттағы қатысушыларды біріктіреді және жеті бағытты қамтиды: мектеп оқушылары, колледж студенттері, жоғары оқу орындарының студенттері, педагогтер, отбасылық командалар, мемлекеттік қызметшілер және зияткер қауым өкілдері. Орталық Азия инновациялық университетінің студенттері үшін «ЖОО студенттері» атты жеке бағыт қарастырылған.
Марафонға қатысу — ой-өрісті кеңейтіп, жаңа шығармалармен танысуға ғана емес, сонымен қатар саналы оқу, ақпаратты талдау, өз ойын дәлелдеу және сыни ойлау дағдыларын дамытуға мүмкіндік береді.
Жоба жеңімпаздары сыйлықтар мен дипломдарға ие болып, республикалық марапаттау рәсіміне қатысады.
Қатысушыларды тіркеу басталды және Қазақстан Республикасының азаматтары үшін тегін.
Орталық Азия инновациялық университетінің студенттері мен оқытушыларын республикалық бастаманы қолдап, ауқымды кітап оқу қозғалысының бір бөлігі болуға шақырамыз!
Оқыңыз. Ой елегінен өткізіңіз. «Кітап оқитын ұлтпен» бірге дамыңыз!
Тіркелу және толық ақпарат:
https://reading-nation.kz/
