«ҚР ұлттық валютасы – теңгенің даму тарихы мен ерекшеліктері» тақырыбында дөңгелек үстел өтті
Бүгін Орталық Азия Инновациялық университетінде Қазақстанның қаржыгерлер мен бухгалтерлер күніне арналған «ҚР ұлттық валютасы – теңгенің даму тарихы мен ерекшеліктері» тақырыбында дөңгелек үстел ұйымдастырылды.
Іс-шараға арнайы қонақтар шақырылды: «Қазақстан тұрғын үй құрылыс жинақ банкі» директоры қызметін атқарған, зейнеткер Менлибеков Айдарбек Омарбекұлы, «Темірбанк» АҚ-ның бас есепшісі қызметін атқарған Чекаева Дүйсенкүл, сондай-ақ «Abdesh Plast» ЖШС-нің бас есепшісі Тенгебаева Гүлшат Теміралиқызы.
Кездесу барысында білім алушы-жас зерттеушілер өз баяндамаларын ұсынды:
- УАк 22-1һ тобының студенті Батырхан А.Б. – «Қазақстандағы инфляция және онымен күресудегі өзекті мәселелер»;
- УАк 24-1һ тобының студенті Омар Б.Ш. – «Алақанмен төлеу жүйесінің Қазақстан экономикасына ықпалы»;
- ФНк 22-1һ тобының студенті Шалқарова А.Ж. – «Адал еңбек – өмірдің құндылығы».
Студенттердің баяндамалары өзектілігімен ерекшеленіп, тыңдаушылардың қызығушылығын арттырды. Сонымен қатар, шақырылған қонақтар да өз тәжірибелерімен бөлісіп, болашақ бухгалтерлер мен қаржыгерлердің кәсіби дағдыларын дамытуға бағытталған құнды кеңестер берді.
