Қарттар күніне орай игі іс-шара ұйымдастырылды
1 қазан – Халықаралық қарттар күніне орай Орталық Азия Инновациялық университетінің білім алушылары қарттар үйіне арнайы барып, ақ жаулықты әжелеріміз бен ақ сақалды аталарымызға құрмет көрсетті.
Іс-шараның басты мақсаты – аға буын өкілдеріне ізет білдіру, олардың өмірлік тәжірибесін бағалау және қарт жандарға қамқорлық пен көңіл бөлу дәстүрін дәріптеу.
Университет жастары қариялармен жылы жүздесіп, әңгімелесіп, мерекелік көңіл-күй сыйлады. Білім алушылардың ыстық ықыласы мен ақжарма тілектері қарттардың жүрегіне жылулық ұялатып, жүздеріне қуаныш сыйлады.
Қарияларымызға құрмет көрсету – халқымыздың асыл құндылықтарының бірі. Осындай игі бастамалар жас ұрпақты үлкенді сыйлауға, мейірімділік пен жанашырлыққа тәрбиелеуде маңызды рөл атқарады.
Қарттарымыз аман болсын, әр шаңырақта үлкендердің ақ батасы мен берекесі орнасын!
