«Қамқор» волонтёрлері балаларға қуаныш сыйлады
Орталық Азия инновациялық университетінің «Қамқор» волонтёрлік ұйымы Мұхамеджан Тынышбаев атындағы Шымкент ALT көлік колледжімен бірлесіп, «Сайрам көмекші мектеп-интернат колледжі» арнайы кешеніне барды.
Кездесудің мақсаты — ерекше білім беру қажеттіліктері бар балаларға қуаныш сыйлау, көңіл бөліп, бірге уақыт өткізу және қоғаммен етене араласуына қолдау көрсету.
Волонтёрлер балаларға сыйлықтар табыстап, олармен әңгімелесіп, жылы қарым-қатынас орнатты. Кездесу өзара мейірім мен қамқорлыққа толы ортада өтті.
«Қамқор» волонтёрлік ұйымы игі бастамаға қолдау білдірген университеттің Тәрбие бөліміне алғыс білдіреді.
Қамқор — жақсылықтан басталады!
