Халықаралық академиялық ұтқырлық: профессор Сафаров Ж.Ш. сапары
Университетіміздің «Педагогика» және «Математика, физика және информатика» кафедраларына академиялық ұтқырлық бағдарламасы аясында Мұхаммед әл-Хоразми атындағы Ташкент инновациялық технологиялар университетінің физика-математика ғылымдарының докторы Сафаров Журабек Шакарович келді.
Іс-сапардың алғашқы күнінде қонақ профессор университеттің профессор-оқытушылар құрамымен кездесу өткізіп, өз тәжірибесімен бөлісті.
Сонымен қатар, физика-математика ғылымдарының докторы Сафаров Журабек Шакарович
6В01301 – «Бастауышта оқыту педагогикасы мен әдістемесі» білім беру бағдарламасының 3-курс студенттеріне «Математиканы оқыту әдістемесі» пәнінен дәріс жүргізді.
Бұл кездесу студенттердің ғылыми көзқарасын кеңейтіп, тәжірибелік білімдерін жетілдіруге үлкен мүмкіндік берді.
