8 наурыз күніне арналған мерекелік концерт

Орталық Азия Инновациялық Университетінің жастар бөлімі мен белсенді студенттері 8 наурыз – Халықаралық әйелдер күніне орай мерекелік концерт ұйымдастырды!

Кеш барысында университеттің талантты жастары өз өнерлерін ортаға салып, ұстаздарға ерекше көңіл-күй сыйлады. Бағдарлама аясында:

✨ Әсем әндер мен жыр шумақтары – студенттер апайларға арнап жүрекжарды өлеңдерін оқыды.

🎭 Көңілді пародиялар – ұстаздарға арналған ерекше әзіл қойылымдар көрермендерді күлкіге қарық қылды.

🎁 Лотерея ойындары – кеш қонақтары арасында қызықты сыйлықтар ойнатылды.

🎤 Өнерлі жастардың ән-шашуы – кеш бойы әуезді әндер орындалып, көрермендерді тамсандырды.

Бұл кеш – ұстаздарға деген алғыс пен құрметтің бір көрінісі. Біз сіздерді құрметтейміз және жоғары бағалаймыз!

Барша нәзік жандыларды көктемнің шуақты мерекесімен құттықтаймыз! 🌸💐

Share this Post