«Бизнес және туризм» кафедрасының оқытушылары қонақжайлылық индустриясының маңызды шарасы — HoReCa стратегиялық сессиясына қатысты
2025 жылғы 20 қазан күні Шымкент қаласындағы Qyzgaltaq Saraiy конгресс-холлында HoReCa саласының дамуына арналған стратегиялық сессия мен жеткізушілер көрмесі өтті.
Іс-шара аясында:
- Мемлекеттік органдардың жетекшілері мен салалық сарапшылар;
- Қонақ үйлер, мейрамханалар, кафелер иелерімен менеджерлері;
- Салалық қауымдастықтардың және кәсіби бірлестіктердің өкілдері;
- HoReCa нарығы үшін тауарлар, жабдықтар, digital шешімдер жеткізушілері бас қосты.
Сессия бағдарламасында – индустриядағы заманауи трендтер, саладағы өзекті мәселелер мен шешімдер, инновациялық тәсілдер мен халықаралық стандарттар таныстырылды.
Шара аясында кәсіби жеткізушілердің өнімдерімен қызметтері ұсынылды. Бұл – саланың үздік тәжірибелерімен танысуға және жаңа іскерлік байланыс орнатуға тамаша мүмкіндік.
Талқылау тақырыптары: - Қызмет көрсету сапасын арттыру және саланың бәсекеге қабілеттілігін дамыту;
- Кадрлық әлеует пен оқыту жүйесін жетілдіру;
- Бизнестің, билік пен қоғамның ашық диалогы;
- Санитариялық нормалар мен стандарттардың енгізілуі;
- HoReCa секторын аймақтық әрі ұлттық ауқымда қолдаудың жаңа жобалары.
ОАИУ «Бизнес және туризм» кафедрасының оқытушылар құрамы Шымкенттегі және Қазақстан Республикасындағы туризм және қонақжайлылық саласындағы маңызды іс-шараға қатысты!
