Әдеби байқау «Сөнбес жұлдыздың жарығы» – Мардан Сапарбаевтың құрметіне.
04.01.2025 жылы Орталық Азия инновациялық университетінің мәжіліс залында Орталық Азия университеті базасында Мардан Баймырзаұлы Сапарбаевты еске алуға және Академик Мардан Сапарбаев институтының 30 жылдығына арналған «Сөнбейтін жұлдыз нұры» атты аймақтық әдеби байқаудың жеңімпаздары мен қатысушыларын марапаттау рәсімі өтті.
Байқаудың мақсаты – қазақстандық жастардың М.Сапарбаевтің өнегелі өмір мен кәсіби қызметі жайлы танымдық қызығушылығының артуына ықпал жасау, дарынды студенттерді, авторларды анықтау және қолдау көрсету, олардың төл туындылары арқылы өзін танытуға мүмкіндік беру.
Мерейтойға орай қатысу тегін болды. Жұмыстар қазақ, орыс, ағылшын тілдерінде қабылданды; үш әдеби категория бойынша: проза, поэзия, публицистика; үш жас санаты бойынша: 8-17 жас, 18-25 жас, 26 жастан жоғары; М.Сапарбаевтың шығармашылық ғұмырын құрметпен еске алатындардың барлығына. Сондықтан да көптеген кубоктар мен дипломдар, сертификат мен алғыс хаттар, естелік сыйлықтар да болды.
Жалпы, Байқауды ұйымдастыру комитетіне әр түрлі жанрдағы, жас ерекшеліктері мен үш тілдегі 226 жұмыс келіп түсті: орыс тілінде – 106, қазақ тілінде – 75, ағылшын тілінде – 45 жұмыс. Оның ішінде, 12 жұмыс 1– орынға, 10 жұмыс 2 – орынға, 11 жұмыс 3 – орынға ие болды. Тіпті Глазов инженерлік-педагогикалық университетінен (Ресей, Удмуртия) жетекшілері мен студенттері шақыру хатты қуана қабылдап, орыс тілінде 6 эссе және қазақ тілінде бір жұмыс жіберді.
М. Сапарбаев атындағы №14 орта мектептің, Боралдай орта мектебі (Бәйдібек ауданы), Сағадат Нұрмағамбетов орта мектебі (Ордабасы ауданы), А.С. Пушкин атындағы №1 мектеп-гимназиясы, «Мадейра Мерей мектебі», «Тұран» мектеп-гимназиясы (Түркістан), «Қожа Ахмет Ясауи» колледжі (Түркістан), «Парасат» колледжі, осы білім ордалардын оқушылар мен шығармашылық жетекшілері қатысты. ОАИУ алты кафедрасының студенттері мен жетекшілері марапаттан құр қалмады. Әдеби байқаудың қорытындысы бойынша шығармашылық жұмыстар жинағын шығару жоспарлануда.
Академик Мардан Сапарбаевты еске алуға қазақстандық жастардың мұндай ауқымды қатысуы оның Қазақстандағы спортты, ғылым мен білім беруді дамытуға қосқан зор үлесін айғақтайды. Түркістан облысындағы мектеп, көше, колледж және басқа да көптеген географиялық нысандар оның есімімен аталады. Мардан Сапарбаев артына ұланғайыр мұра қалдырды – ұлттық болмысын сақтай отырып, жаңа үлгідегі университет. Сондықтан ол: «Мен ел үшін еткен еңбегім мен шәкірттерім шыққан биікте өмір сүремін!» деп үнемі айтып отыратын.
