Орталық Азия Инновациялық Университетінің студенттері халықаралық шешендік өнер байқауында жоғары нәтиже көрсетті

«Тілдер және әдебиет» кафедрасының 2 курс студенттері 6B01705 — «Шетел тілі: екі шетел тілі» білім беру бағдарламасы бойынша, ИНК 23-1 тобы «Risk taking is in human nature» атты халықаралық студенттік ағылшын тіліндегі шешендік өнер байқауына қатысты. Байқауды Қазақстан, Шымкент қаласындағы «Мирас» университетінің шетел тілдері секторы ұйымдастырды. Сайыс 2025 жылғы 18 наурызда өтті.

Бұл байқаудың басты мақсаты – студенттердің көпшілік алдында сөйлеу мәдениетін қалыптастыру болды. Қатысушылар өздерінің шешендік шеберлігін, ағылшын тілінде ойларын анық және дәлелді түрде жеткізу қабілеттерін, сондай-ақ пікірталасқа қатысу дағдыларын көрсетті.

Байқаудың міндеттері:

✔ Шешендік өнер мәдениетін меңгеру арқылы шетел тілін оқуға деген қызығушылықты арттыру;

✔ Өз ойын ашық жеткізу және дәлелдей білу қабілетін дамыту;

✔ Пікірталасқа қатысу дағдыларын қалыптастыру, яғни өз идеясын табандылықпен қорғау және сонымен бірге басқа пікірлерге құрметпен қарау.

Біздің студенттер тек сәтті өнер көрсетіп қана қоймай, жүлделі орындарға ие болып, дипломдар мен сертификаттармен марапатталды:

🏅 Шухратиллаева Дурдона Сухрабовна – 1-орын, диплом

🥉 Тажибаева Доно Султонбевна – 3-орын, диплом

🎖 Шапулатова Замира Исмаиловна – диплом және сертификат

Консультанттар:

📌 PhD Спатай Айгүл Оразбекқызы

📌 Турлыбекова Інкәр Алтынбекқызы

Біздің студенттерді лайықты жеңісімен құттықтаймыз және оларға болашақта үлкен жетістіктер тілейміз!

Share this Post