ОАИУ СТУДЕНТТЕРІН ДАМЫТУ ҮШІН
Түркияның Анкара университетінің доценті, тарих ғылымдарының кандидаты Пириева-Караман Севиль ханым тіл үйрену мәселелері бойынша университетіміздің білім алушыларына ерекше әрі маңызды дәріс оқыды. Дәріс барысында ол тіл үйренудің заманауи әдіс-тәсілдеріне, тілдік дағдыларды дамытудағы психологиялық аспектілерге, сондай-ақ әртүрлі мәдени контекстерде тілдің рөлін түсінуге үлкен назар аударды. Севиль ханымның баяндамасы білім алушыларға тіл үйрену процесін жеңілдететін жаңа көзқарастар мен тиімді тәсілдерді ұсынды. Оның ғылыми және педагогикалық тәжірибесі тыңдаушыларға құнды әрі пайдалы ақпараттар беріп, олардың білім алу жолындағы жаңа перспективаларға деген қызығушылығын арттырды.
Дәріс барысында қатысушылар тіл мен мәдениет арасындағы тығыз байланысты тереңірек түсініп, тіл үйрену процесіндегі кедергілерді жеңудің жолдарын білді. Севиль ханымның дәрісі білім алушылардың тілдік білімдерін байытып қана қоймай, олардың тұлғалық және кәсіби дамуына да зор әсерін тигізді.
