Академиялық ұтқырлық: Анкара университетінің доцентінің ОАИУ-да дәріс өткізді
Орталық Азия инновациялық университеті тілдер және әдебиет кафедрасының ұйымдастыруымен «Академиялық ұтқырлық» бағдарламасы шеңберінде 2025 жылдың 11-20 наурызы аралығында Түркия мемлекетіндегі Анкара университетінің доценті, т.ғ.к. Севиль Пириева-Караман 6В01705-Шет тілі: екі шет тілі, 6В01702-Аударма ісі білім беру бағдарламаларының студенттері мен магистранттары үшін түрік тілінен дәрістер өткізуде. Дәріс барысында түрік тілін оқытуда білім алушылардың коммуникативтік құзыреттілігін дамытуға бағытталған заманауи оқыту технологиялары қолданылды.
Тәжірибе алмасу және ғылыми ынтымақтастықты одан әрі дамыту мақсатында Анкара университетінің доценті, т.ғ.к. Севиль Пириева-Караман мен ОАИУ тілдер және әдебиет кафедрасының профессор-оқытушылары бас қосып, ғылым және жоғары білім кеңістігіндегі өзекті мәселелер жайында сұқбаттасты.
ОАИУ тілдер және әдебиет кафедрасы даярлайтын 6В01705 – Шет тілі: екі шет тілі, 6В01702 – Аударма ісі білім беру бағдарламасының студенттері мен магистранттары анкаралық білікті ғалым Севиль Пириева-Караманның жүргізген дәрістерінен мол тағылым алды, сондай-ақ университетімізде шет елдік жоғары оқу орындарымен ғылыми ынтымақтастықты дамытуға жаңа мүмкіндіктер ашылды.
