Шымкентте алғаш рет мектеп оқушылары арасында FPV Drone жарысы өтті!
2025 жылдың 23 сәуірінде Шымкент қаласында маңызды әрі қызықты оқиға орын алды – алғаш рет Техника және ақпараттық технологиялар кафедрасы мен Шымкент қалалық білім басқармасының ұйымдастыруымен FPV Drone жарысы өтті! Бұл ерекше жарысқа қала мектептерінен келген дарынды оқушылар қатысты.
Жарыс ерекше форматта өтті – қатысушылар арнайы симулятор арқылы түрлі кедергілерден өтіп, өздерінің ептілігі мен шапшаңдығын сынады. Бұл тек қана жарыс емес, бұл – техникалық ойлау қабілетін, зейін мен шыдамдылықты арттыратын, болашақ инженерлер мен IT мамандарын тәрбиелеуге бағытталған маңызды қадам.
Бүгінде дрондар тек ойыншық емес – олар заманауи әлемнің бір бөлшегіне айналды. Сондықтан осындай бастамалар арқылы оқушылардың технологияға деген қызығушылығын арттырып, олардың шығармашылық әлеуетін дамыту – басты мақсатымыз.
Күн сайын FPV дрондар мен STEM саласына қызығатын жас өрендердің саны артып келеді. Біз болашақ инженерлер мен техно-көшбасшылардың алғашқы қадамдарын бірге жасап отырғанымызға қуаныштымыз!
Болашақ – технологияда. Ал ол болашақ дәл осы Шымкентте басталады!
