«Shymkent HUB – мүмкіндіктер алаңы»
Шымкент қаласында «Shymkent HUB – мүмкіндіктер алаңы» форумы өтті
Бүгін Шымкент қаласы цифрландыру басқармасының ұйымдастыруымен «Shymkent HUB – мүмкіндіктер алаңы» атты форум өтті. Іс-шараға Шымкент қаласының цифрландыру саласындағы жетістіктеріне қызығушылық танытқан Техникалық және ақпараттық технологиялар кафедрасының студенттері және 600-ден астам басқа оқу орын студенттері мен оқушылары, сондай-ақ ІТ саласына ынтызар қала тұрғындары қатысты.
Форум аясында цифрлық технологиялар мен инновациялар тақырыбында көптеген маңызды мәселелер талқыланды. Қатысушыларға ІТ саласындағы жаңа мүмкіндіктер мен перспективалар ұсынылып, Шымкент қаласының цифрландыру саласындағы қол жеткізген жетістіктері мен болашақ жоспарлары жөнінде жан-жақты ақпараттар берілді.
«Shymkent HUB – мүмкіндіктер алаңы» форумы қатысушыларға жаңа технологиялық жаңалықтарды меңгеру және өздерін ІТ саласында дамыту мүмкіндіктерін ұсынып, өңірдің цифрландыру жолындағы жетістіктерін кеңінен насихаттау алаңы ретінде маңызды рөл атқарды.
