«Гуманитарлық және жаратылыстану ғылымдарын зерттеудегі әлемдік және ұлттық трендтер» Халықаралық ғылыми-практикалық конференциясы

Орталық Азия Инновациялық университетінде Ғылым апталығын өткізудің соңғы кезеңі 2024 жылғы 19 сәуірде «Гуманитарлық және жаратылыстану ғылымдарын зерттеудегі әлемдік және ұлттық трендтер« атты Халықаралық ғылыми-практикалық конференциясын өткізу болды. Іс-шара Польша, Канада, Украина, Өзбекстан сияқты алыс және жақын шетелдерден келген шетелдік ғалымдардың, ҚР жоғары оқу орындарының ғалымдарының, докторанттар мен магистранттардың және т.б. қатысуымен өтті. Конференцияны өткізудің мақсаты қазіргі уақытта және таяу болашақта отандық және шетелдік ғылымды дамытудың негізгі сәттері мен бағыттарына баса назар аудару және өзектендіру болды.

Конференцияны барлық қатысушыларға: Университет ректоры, профессор А.С. Ажидинов, Гидроингео институтының директоры, геология – минералогия ғылымдарының докторы , профессор К. Р. Мингбаев (Ташкент қ., Өзбекстан), ҒЗ және ХБ проректоры Казанбаева Ж.С. құттықтау сөздерімен және ізгі тілектерімен ашты. Пленарлық баяндамалармен: э.ғ.д., Жоғары менеджмент мектебінің профессоры Януш Собонь (Варшава қ., Польша), г/м. д., профессор, Гидроингео институтының ғылыми жетекшісі Б.Д. Абдуллаев (Ташкент қ., Өзбекстан), э.ғ.к., Селезнева Р (Конкордия университеті, Канада), PhD докторы, қауымдастырылған профессор Лозова Ганна (Ұлттық. Т. Г. Шевченко атындағы Университет, Украина), экономика магистрі Веслав Сикорский, (Щецин университеті, Польша), т.ғ.к., доцент, Алиев Махмуд Куватович, (Навой мемлекеттік тау-кен технологиялық университеті, Навои, Өзбекстан). Іс-шара барысында пленарлық отырыста ОАИУ доценттері мен профессорлары: Бикамал Тоқтоғұл, Жайлаубай Ақдар, Ахмет Лаура мазмұнды южәне қызықты баяндамалар жасады. Конференция бағдарламасы келесі бағыттар бойынша 8 секцияны қамтыды:

  1. Экономика, бизнес және туризм

  2. Құқық және гуманитарлық пәндер

  3. Математика, техника және ақпараттық технологиялар

  4. Музыка, кәсіптік білім және дизайн

  5. Дене шынықтыру және АӘД

  6. Химия, биология, экология және биотехнология

  7. Педагогикалық ғылымдар

  8. Филология

 Секциялар интерактивті режимде өтіп, ғылымның, білім берудің және әлемдік ғылыми және білім беру кеңістігіне кірігудің ұлттық трендтері туралы пікір алмасудың және ақпарат берудің пікірталас алаңына айналғанын атап өтеміз.

Конференция аясында дәстүрлі түрде пленарлық және секциялық отырыстардың үздік ғылыми баяндамалары атап өтілді. Алыс және жақын шет елдердің ғалымдары мен ОАИУ ғылыми бағыттардың өзекті мәселелері бойынша одан әрі жемісті ынтымақтастыққа дайын екендіктерін білдірді.

Share this Post